Nú er komið nýtt ár, ný markmið og bólefni handan við hornið. Samkvæmt nýrri reglugerð megum við hefja skólastarf að nýju á morgun eins og við byrjuðum í haust, samkvæmt stundaskrá sem er í Mentor. Blöndun milli nemendahópa er leyfileg, list- og verkgreinar sem og valgreinar hefjast allar á morgun, þriðjudaginn 5. janúar. Nemendur mega aftur borða í matsalnum en starfsfólk skólans mun bera grímur ef ekki næst að halda 2 metra fjarlægð. Enn er þó foreldrum/forráðamönnum haldið frá skólanum nema með sérstöku samþykki stjórnenda í undantekningartilfellum. Við munum áfram leggja áherslu á að hver og einn hugi að persónulegum sóttvörnum, aukum þrifin í skólanum og aðgengi að spritti verður í öllum stofum sem og í matsal og íþróttasal. Nemendur sem kjósa að nota grímu er það algjörlega frjálst.